منتديات دموع فلسطينى ........ حلمنا غزة



 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 وينك

اذهب الى الأسفل 
كاتب الموضوعرسالة
المارد الفتحاوي
دموع نشيط
دموع  نشيط
avatar

عدد المساهمات : 298
العمر : 30
ذكر
نقاط : 501
تاريخ التسجيل : 01/08/2009
الموقع : دموع فلسطيني

مُساهمةموضوع: وينك   الثلاثاء أغسطس 04, 2009 5:39 am

وينك يا بطل

وينك يبو الثوار

عهدك كان الأمل

عهدك زهر نوار

بفكرك إلتم الشمل

وحلق بالسما الشنار

بحلمك خف الحمل

ما انحنى ختيار

****

وينك يا بطل

وينك يبو الثوار

سلاحك كان القلم

سلاحك حمى الأسوار

ورفرف بالعالي علم

رفرف عظهر الدار

بروحك فديت الشبل

وروحك حقل أسرار

***

وينك يا بطل

وينك يبو الثوار

لو جسمك كان بقبر

والقبر ما بينهار

روحك بتبقى صقر

تحمي سما الأحرار

واسمك أنحفر بحجر

حجر أرعب الأشرار

وعيونك عيون الفجر

تشرق عأهل الغار

***

وينك يا بطل

وينك يبو الثوار

بغيابك خف المطر

واتمرد إله النار

بغيابك زاد الخطر

وضاعت الأفكار

بغيابك زاد الوجع

وسقط من الظهر زنار

بغيابك انقتل البجع

وذبلت الأزهار

****

وينك يا بطل

وينك يبو الثوار

العهد هو العهد

ما تغيره الأقدار

والوفا بالأرض انحفر

ما بتمسحه الأمطار

صوتك يصحي الصخر

صوتك مثل إعصار

بسيفك قتلت الفقر

وبدمعك سقيت انهار

تاريخك كتبته بحبر

ما بيمسحه الفجار

****

وينك يا بطل

وينك يبو الثوار

سلاحي ليش انسرق

واللص خان الدار

قرآني بأيدي أحترق

والشيخ صار النار

والصاروخ يلي مرق

اليوم صار غبار

الشعب طق انفلق

لكنه ما بينهار

والفتح من جديد انخلق

وتكاثروا الأحرار

بعد ما الأسد انشنق

يا غزة وين الثار

****

وينك يا بطل

وينك يبو الثوار

حبك بالدم انكتب

وبالحب صرنا كبار

بغزة شفنا العجب

وتململوا لصغار

صبرنا وكتمنا الغضب

وانت القدوة يا ختيار

تعال وشيل التعب

والدم عم ينهار

تعال وأعلن حرب

على كل تيس وفار

تعال واحمي الشعب

وارجع يبو عمار



اهداء مني لحبيبنا وابونا




أبـــــــــــــــــــو عـــــــــــــــمـــــــــــــــــار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
وينك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات دموع فلسطينى ........ حلمنا غزة  :: فلسطين فى القلب :: فلسطين والعالم-
انتقل الى: