فوتو وشوفو هاي القصة (قصة شاب اسمه فارس) !!!!

فارسشاب عادي من طبقه متوسطه مثله مثل أغلب الشباب
يبلغ من العمر 25 سنه وموظف في إحدى الدوائر الحكوميه؛ عائلته مكونه منه هو و والدته وأخواته الثلاث وأخوه الأصغر؛ وهو العائل الوحيد لهم بعد وفاة والده منذ سنوات
كانت له أحلام وطموحات عريضه؛ ولا سيما أنه شاب مثقف علّم نفسه بنفسه وقد كان من الطلبه المتفوقين في دائماً في دراسته؛ ولكن وفاة والده المفاجيء وتحمله هم المسئوليه مبكراً كان سبباً في خروجه من الجامعه وبحثه عن عمل يكفل له ولأسرته حياه كريمه؛ وبعد معاناة 5 سنوات تخللتها فترات بطاله وتنقّل فيها بين أكثر من وظيفه لم يتجاوز راتب أفضلها 2400 ريال، رزقه الله بوظيفه رسميه براتب مبدئي 4000 آلاف ريال طار بها فرحاً وإبتهاجاً وكأن حياته بدأت من الآن فقط
أقام وليمه كبيره دعى إليها أقاربه وجيرانه بهذه المناسبه وبدت الأحلام والطموحات يمكن تحقيقها أكثر من أي وقت مضى؛ قام فارس بواجباته الوظيفيه على أكمل وجه وكان محبوباً من زملائه ومن المراجعين لمثاليته ومرحه الدائم وحصل على العديد من خطابات الشكر من إدارته مما خوّله للحصول على ترقيتين في ثلاث سنوات لتميزه في العمل
إستمرت الحياه وبدت أكثر إستقراراً ورخاء واستطاع أن يزوّج إثنتين من أخواته وتكفّل بمصاريف شهر العسل كهديه منه من شدة حبه لهم؛ وكبقية الشباب كان لفارس مجموعه من الأصحاب يخرج معهم ويقضي معهم أوقات الفراغ خاصةً فهد و وليد وكان دائماً محل تندّرهم وتعليقاتهم بأنه معقد وليس له أي علاقات عاطفيه ودائماً ما يدور بينهم محادثات على غرار:-
وليد: ياخي ليش ما تشوف لك بنيّه توسّع صدرك معها.
فارس: شايفنا في فرنسا أنت ووجهك؟ وش أبي أتعرف على وحده وأصير مهدد في أي لحظه بالنكبه معها إذا عرفوا أهلها وأهلي؟ أنا كذا عايش مبسوط لا أدور أحد ولا أحد يدورني.
وليد: ياخي كل الشباب متعرفين على بنات ومبسوطين وما صار لهم شي؛ وش معنى إنت الوحيد اللي بتتوهق في علاقتك؟
فارس: مدري؛ المجتمع ما يرحم وبصراحه ما عندي إستعداد أمشي في طريق كله مشاكل و وجع راس.
دائماً ما تتكرر هذه المحادثه ودائماً ما تنتهي نفس النهايه
في أحد الأيام وبينما الثلاثي فارس و وليد و فهم في مكتبهم بالدوام صرخ فهد مبتهجاً: شباب قدرت أفتح مواقع الشات على جهازي.
فارس: تكفى واللي يرحم والدينك تعال إفتحه عندي؛ قسم بالله مليت من جرايد الجزيره والرياض من كثر ما أقراهم.
وليد: هذا اللي يكرهني في دوامنا إن الإداره قفلت النت؛ طيب إذا خلصنا شغلنا ومافيه مراجعين وش نقعد نسوي؟ لا ويقولون ليش الموظفين ما يقعدون بمكاتبهم؟
فارس: وليد بالله خلك على الهولد شوي؛ تكفى فهد تعال ضبط جهازي قسم بالله طقتني الغلقه.
فهد: طيب لحظه شوي خل أعدل شماغي.
فارس: أقول عاااااد قم لا أرجفك ترى عطيناك وجه.
قام فهد ضاحكاً ودخل على إعدادات جهاز فارس وأجرى بعض التعديلات وفتح له الشات قائلاً: هذا أحسن مواقع الدردشه؛ زحمه من جد.
دخل فارس الشات يتسلى في أوقات فراغه وكان جديد على عالم النت وكل اللي عرفه مواقع الدردشه فقط؛ وفي مره من المرات قال فهد: والله يا تعرفت على وحده بالشات حظي من السماء إني طحت عليها.
فارس: عساها حلوه بس؟
فهد: تستهبل أنت و وجهك؟ على الأقل أنا أدخل الشات أضبط نفسي لكن انت قل لي وش إستفدت؟
وليد: خخخخخخخخخخ أصلاً فارس شغلته في الشات يناقز على برايفت المتواجدين يستهبل عليهم ويطلع؛ موب وجه تضبيط.
فارس: خلاص خلها تعرفني على صديقتها.
فهد: تبيني أستاثم في بنت الناس؛ قسم إن تدعي علي بسبتك.
فارس: تكفى عرفني ترى بموت؛ أقول طس بس لا بغيت أتعرف سنعت نفسي.

ضحكوا الثلاثه مختتمين روتينهم شبه اليومي كعادتهم منذ تعارفهم؛ وإستمرت الحياه وهم على هذه الوتيره
صداقه
مرح
تسليه
إلى أن جاء يوم غيّر حياة (فارس) وقلبها رأساً على عقب؛ كان يمارس هوايته في الدخول على برابفت المتواجدين بالشات ومشاكستهم بعبارات مثل أن يكون هناك نك نيم مثل (بنت أبوها) فيدخل عليها معلقاً (بنت أبوها وإلا إخت أخوها) ويغادر بدون أن ينتظر الرد؛ وبينما هو يتنقل بين المتواجدين وجد نك نيم بإسم (مهره ما أحدٍ قدرها)؛ دخل عليها كعادته معلقاً: يعني إنتي تعترفين إنك حيوانه؟ خخخخخخخ
جاءه الرد سريعاً من صاحبة النك نيم: عفواً أخوي أنا غلطت عليك؟
إستغرب ردها الهاديء فقد كان متعوداً على ردود مثل ( طس ) (إقلب وجهك) ( فارق) ولكن ردها هذا إستوقفه كثيراً
رد عليها وقد أسقط في يده: آسف بس تراني أمزح ومو قصدي شي والله.
البنت: أسفك مقبول بس إنت ما تعرفني عشان تمزح معي!!
فارس وهو في قمة الخجل: وربي آسف ما قصدت أجرحك بس تعودت أعلّق على نك نيمز المتواجدين من باب التسليه بس.
البنت: أدري لأنك كذا مره دخلت علي قبل كذا.
فارس مستغرباً: بس أنا أول مره أشوف نك نيمك؟
البنت: ما عندي نك نيم ثابت كل يوم أدخل بنك نيم مختلف، وإنت ما شالله ما تركد أبد عن التعليق والغريب إني ما أشوفك على العام أبد؛ وش سالفتك إنت؟
فارس: أبد ما عندي سالفه؛ كل مافي الموضوع إني بالدوام وأحاول أقطع هالوقت الطويل.
البنت: ماشالله وش ذا الدوام اللي الموظفين فيه فاضين ما عندهم شغل وقاعدين على الشات؟ وظفوني معكم طيب لوووووول.
فارس: ههههههههه لا مو لهالدرجه فاضين عاد؛ بس دوامنا طويل ولما نخلص شغلنا نحاول نقطع وقت على النت.
البنت: وش إسمك إنت؟
فارس: إسمي فارس.
البنت: عاشت الأسامي فارس.
تسود دقائق من الصمت بين الطرفين؛ ثم يتشجع فارس ويسألها عن إسمها: عفواً بس ما عرفت إسمك.
البنت: يهمك تعرف إسمي؟
فارس: مدري بس على أساس إنك سألتيني عن إسمي وقلت لك.
البنت: هههههههههههههههه أمزح معك؛ إسمي مي.
فارس: عاشت الأسامي والله.
مي: طيب فارس تشرفت بمعرفتك بس ودي أضيفك مسنجر إذا ممكن؟
فارس: بس أنا ما عندي مسنجر.
مي: أكيد تمزح؟؟؟ من جدك ما عندك؟
فارس: إي والله العظيم ما عندي.
مي: خلاص أنا بسوي لك واحد وبضيف نفسي فيه.
فارس: مشكوره والله مافي داعي التعب.
مي: يابن الحلال لا تعب ولاشي؛ الشغله كلها ما تاخذ دقيقتين.
فارس: الله يعطيك العافيه.
مي: خلاص الحين أنا أستئذنك وأشوفك وقت ثاني .
فارس: على خير إن شالله.
أغلق فارس صفحة الشات وأخذ يفكر بعمق في محادثته مع مي؛ شعور قوي بداخله بدأ يتحرك تجاهها رغم أن دردشتهم لم تتجاوز الربع ساعه
شيء ما تملكه هذه الفتاه جعلها محط إهتمامه
هدوئها
ثقتها في نفسها
تلقائيتها
عفويتها
مرحها
لا يدري ولكن بالتأكيد هناك شيء مميز يسكنها
إنتهى دوام (فارس) وتوجه إلى بيته ومحادثته مع (مي) مسيطره على تفكيره
في السياره وفي البيت وعند النوم؛ ظلّ الموقف يلّح عليه ويشغل تفكيره
في اليوم التالي توّجه إلى دوامه بشوق لدرجة أنه كان من أول الموظفين وصولاً لعمله وعلى طول فتح الشات وبدأ يبحث عن (مي) ولكن
كيف سيعرفها من بين المتواجدين ما دامت ليس لها نك نيم ثابت؟

نتمنا ان تعجبكم

قصه حلوه ومشوقه...

فارس شاب قلبو طيب كتير..يا ريت كل الشباب متلو..وياريت كل البنات متلو

تسلمى سفيره على هل قصه...

قلبى معك يا فارس

قصة حلوة بلمرة